Eisbären Freimann

Es war amoi…. umra 1979/1980, ois de Winter no Winter waren, die Seen no zua gfrorn und namidogs Horden vo Eishacklern mit Puck, Schlägern und Schneeschaufel zu den Eisflächen pilgerten. Zu dera Zeit ham a boar Freimannner an Ehrgeiz verspürt: „Richtig Eishockey spuin – des war´s !“ Und da Litzinger Franz – den da Schmoiz Miche kennd hod – hod dann a glei d‘ Lösung g`habt – a wenn a a weng mitleidig dabei g`lacht hod: „Ruaft´s amoi den Gruaba Hans in Pfahofa o – vielleicht gehd wos.“ Oiso hod da Miche glei ogruafa – und a Eiszeit griagd. Wia da Gruaba Hans den Haufa, mit eanara sejba bastltn „Ausrüstung“ gseng hod, hod a bloß gmoant „Hejma (Helme) miast´s fei scho drong !“ A so is des dann oganga mit de Eisbärn – Winter 81. De Ausrüstung is mit der Zeit bessa worn, der Ehrgeiz is gstiegn und dazua glernt hamma a immer wos – meistens durch neie Spieler. Ois dannad de ersten Hobby – Ligen aafkumma san, warn de Eisbären natürlich glei imma dabei: Grafinger Liga, Neuchinger Liga und seit da Gründung, beim „ Munich Hobby Cup“ da jetzign MEL. Wei ma de oan oda andern Tschechischen Spielern ghobt ham, war ma fria a immer im Trainingslager in Wimperk (legendär ! – wer saufa ko, dea ko aa aufs Eis….), Pilsen, Prag, Slany und ham a am Nordketten-Cup in Innsbruck mit Mannschaften aus Österreich, Schweiz und Deutschland oiwei mitgmacht. Üba de Joar war`s a Kumma und Geh und a Auf und Ab. Da war scho a amoi de oane oda andre Saison dabei, wo ma nur mit achte oder neine otretn san, weil`s Eishockey hoid a an Haufa Geld kost. Aber trotzdem samma imma wieda zruck kumma und mia hammas a g`schafft, daß ma 1995, 2004, 2014 und 2015 Meister worn san. Nebam Eishockey zejt bei uns aba scho aa a Gaudi, a verdient´s Bier nach´m Eis und des oane oder andre Kabinenfestl. Da Schmoiz Miche is jetz da letzte Mohikaner vo domois, Winter `81, als Gründer und Eisbär – Opa.

---

Erfolge:
♦ 2015 MEL Meister
♦ 2014 MEL Meister
♦ 2004 MHC Meister
♦ 1995 MHC Meister

---

Heimatstadion:
Eisstadion Pfaffenhofen

---

Eiszeiten:
Donnerstags 21:30

---

Schiedsrichter:
Pfaffenhofen
Georg Oberrieser
0174 9233822
georg.oberrieser@gmail.com

Ingolstadt & Pfaffenhofen
Tom Scheffler
0176 20250871
tom-sch@web.de

Pfaffenhofen
Thomas Pfeil
0179 2954090